Жантўрў Сатибалдиев: «Ўшда вазиятни беқарорлаштиришга уриниш бўлиши мумкин»

Қирғизистон жанубида вазиятни беқарорлаштиришга уринишлар бўлиши мумкин. Бугун журналистлар билан учрашган Қирғизистон бош вазири Жантўрў Сатибалдиев Бишкек ва Ўш мэрлигига сайловлар ҳақида гапирар экан, ана шундай фикр билдирди. Унинг айтишича, Бишкекда сайлов осойишта ўтиши кутиляпти. «Мутахассислар Ўшда вазиятни беқарорлаштиришга уринишлар бўлишини тахмин қилишяпти. Менимча, уринишлар бўлади. Лекин бунинг олдини олиш учун кучимиз етарли», – деди бош вазир. Эслатиб ўтамиз, Бишкек ва Ўш мэрлигига сайловлар 15 январь куни бўлиб ўтади.