Афғонистонда америкалик аскарлар 4 ёшли болани отиб қўйди

Америкалик денгиз пиёда аскарлари Афғонистонда 4 ёшли болани ҳарбий базага ҳужум қилмоқчи рақиб деб ўйлаб отиб қўйди. Бу ҳақда бугун Reuters агентлиги хабар тарқатди. Воқеа Ҳилманд вилоятида, кўтарилган чанг туфайли кўришнинг ёмонлашгани туфайли юз бергани айтилмоқда. Президент Ҳамид Каразайнинг матбуот хизмати болалар ва тинч аҳоли орасида қурбонларнинг олдини олиш учун НАТО халқаро коалицияси аҳоли пунктларидаги ҳарбий операцияларни зудлик билан тўхтатиши кераклигини билдирди.