«Samarqand» банки тугатилди

Ўзбекистон Марказий банки «Samarqand» банкининг лицензиясини бекор қилди, шу тариқа республикада тижорат банклари сони 27 тага тушди. Марказий банк матбуот хизматининг маълум қилишича, асосан амалдаги банк қонунчилиги талабларини бузганлиги сабабли «Samarqand» очиқ акциядорлик-тижорат банки банк операцияларини амалга ошириш ҳуқуқини берувчи лицензиясидан маҳрум этилган. «Samarqand» банкига 2000 йилда асос солинган бўлиб, бош офиси Самарқанд шаҳрида жойлашган, Тошкент ва Фарғонада филиаллари бор эди. Шундай қилиб, «Samarqand»нинг бошига «Кредит-Стандарт», «Ўктамбанк», «Алп Жамол» ва «Парвина-банк»нинг куни тушди.