НАТОнинг Европадаги бирлашган қуролли кучлари бош қўмондони, америкалик генерал Филипп Бридлавнинг маълум қилишича, Россия қўшинлари Украина ҳудудига бостириб кирмайди. Бу ҳақда Reuters ахборот агентлиги хабар бермоқда.
Генералнинг фикрича, расмий Москва бошқа воситалардан фойдаланган ҳолда ҳам ўз мақсадига етиши мумкин. Бундан ташқари, Бридлавнинг қўшимча қилишича, Славянскда вертолётларни ким уриб туширгани масаласида хулоса қилишга ҳали жуда ҳам эрта.
Аввалроқ, 2 майга ўтар кечаси Украинанинг Донецк вилояти Славянск шаҳрида Украина қуролли кучларининг иккита Ми-24 вертолётлари уриб туширилгани маълум бўлганди. Бунинг натижасида икки ҳарбий ҳалок бўлган, яна бир неча нафари турли даражада тан жароҳати олган.
Манба: http://kun.uz
Комментариев нет :
Отправить комментарий