Ўзбекистонда ноқонуний фаолият юритган автобус ва маршрут такси эгаларига 2.5 млрд сўмлик жарима солинди

Йил бошидан йўловчи жамоат транспортининг лицензиясиз ишлаётган 16 мингта ҳолати аниқланган. Бу ҳақда ўтказилган матбуот анжумани доирасида Ўзбекистон автомобиль ва дарё транспорти Агентлиги вакиллари маълум қилишган. Агентлик маълумотларига кўра, ноқонуний фаолият юритган автобус ва маршрутка эгаларидан 2 млрд 548 минг сўм миқдорида жарима ундирилган. Ҳозирги кунда республикада жамоат транспорти 4300та йўналиш бўйича ҳаракатланади. Шундан 1000 таси- шаҳар йўналиши, 2700тага яқини шаҳар атрофида, 600тадан ортиғи ҳалқаро йўналишда ишлайди. Шаҳар ва шаҳаролди йўналишларида йўловчи ташишни амалга ошириш учун жорий йилнинг 1-чорагида Фарғона вилояти учун 83та Isuzu русумли автобуслари, Тошкент вилояти учун 13 та ва Навоий вилояти учун 4 та автобус сотиб олинган. Эслатиб ўтамиз, ўтган ҳафтада пойтахтда икки кун давомида шаҳар йўловчи транспортининг барча турларида йўловчилар оқими комплекс текширувдан ўтказилган эди, деб ёзади Podrobno.uz.