ҚР Ҳукумати мамлакатнинг Божхона иттифоқига қўшилиши бўйича Йўл ҳаритаси лойиҳасини маъқуллади. Бу ҳақда 12- майда ҚР Иқтисод вазири Темир Сариев журналистларга маълум қилган.
Унинг сўзларига кўра, лойиҳа энди Жўғўрқу Кенешга юборилади ҳамда Иқтисодий сиёсат бўйича қўмитада қараб чиқилади.
“Интеграция жараёни аввалроқ бошланган, жумладан, 2007- йилнинг 6- октябрида иттифоқни тузиш бўйича қарор қабул қилиниб, 2010- йилнинг 1- январидан бошлаб Божхона иттифоқининг барча қонуний базаси ишлай бошлаган. Қозоғистон иттифоққа 2011- йилнинг 1- июлида қўшилган. Қирғизистон 2011- йилда ариза бериб, ўша йилнинг октябрь ойида ижобий жавоб олган. Ариза қабул қилингач, комиссия тузиш таклиф этилган, шунингдек Йўл ҳаритасини тузиш бўйича ишлар бошланган. Ишчи гуруҳнинг 9 та мажлиси бўлиб ўтган бщлиб, унда барча масалалар қараб чиыилган. 6- апрелда идоралараро комиссия йиғилиши бўлиб ўтиб, лойиҳа протокол асосида маъқулланган” , - дейди у.
Унинг қўшимча қилишича, Ҳукумат Йўл ҳаритаси чора-тадбирларини молиялаштириш механизмларини ҳамда Қирғизистон иқтисодиётининг Божхона иттифоқи шартларида ишлаш юзасидан кўникмалар ҳосил қилиши устидан иш олиб боришда давом этади.
Эслатиб ўтамиз, 12- майда бўлиб ўтган ҳукуматнинг навбатдаги мажлисида ҚРнинг Божхона иттифоқига кириши ҳамда интеграцияга қўшилиши ҳақидаги ҚР аризасининг лойиҳаси ёпиқ эшик ортида қараб чиқилган.
Комментариев нет :
Отправить комментарий